Þriðjudagur, 10 Mars 2020 11:26

Mótahald óbreytt hjá Fimleikasambandinu

Í gær hélt ÍSÍ fund um Covid-19 veiruna, hægt er að skoða fréttina hér.

Almannavarnadeild ríkislögreglustjóra hefur ítrekað að ekki hefur verið lýst yfir samkomubanni af yfirvöldum hér á landi. 

Engu að síður er einkar mikilvægt að fólk sem hefur verið á skilgreindum hættusvæðum virði ráðleggingar um sóttkví, en í þeim felst að forðast samneyti við aðra einstaklinga í 14 daga. 
Á mannamótum er einkar mikilvægt að til staðar sé aðstaða fyrir handþvott og handsprittun. Mælst er til að fólk noti aðrar kveðjur en handaband og faðmlög.

Fimleikasambandið fylgist áfram vel með uppfærslum á vefsíðu Embættis landlæknis og verður staðan metin skv ráðleggingum þeirra.

Embætti landlæknis uppfærir reglulega upplýsingar á vefsíðu landlæknis hér.

Hér á vefsíðu Embættis landlæknis má sjá ráðleggingar til ferðamanna.