Evrópumót kvenna - Birmingham
lau, 05/01/2010 - 07:00 — fsiadmin
Evrópumóti kvenna í áhaldafimleikum er lokið. Evrópumeistarar eru lið Rússlands með 168.325 stig, silfrinu náðu rúmensku stúlkurnar eftir harða keppni við heimamenn. Rúmenar með166.800 stig og Bretar 165.300 stig.
Á mótinu lenti lið Íslands í 23.sæti og vann liðið Norðmenn og Dani en Finnar voru eina Norðurlandaþjóðin sem var hærri en íslenska liðið og því sama röð og á Norðurlandamótinu fyrr í mánuðinum.
Thelma Rut Hermannsdóttir náði bestum árangri íslensku stúlknanna í fjölþraut og sú eina sem keppti á öllum áhöldum. Dóra Sigurbjörg Guðmundsdóttir átti gott mót, (keppti á þremur áhöldum), Tinna Óðinsdóttir keppti á tveimur áhöldum, Dominiqua Belany keppti einnig á tveimur áhöldum og þá keppti Birta Sól Guðbrandsdóttir einungis á tvíslá.
